اخواني الاعزاء اواصل البحث عن شخصيات متواجده في حياتنا باعمالها او بافكارها .........ارجو المشاركه والتفاعل
في معرفه وتحليل الشخصيات المعروضه
من مواليد 1929 - محافظة الشرقية أحد أهم شعراء العامية في مصر و أحد ثوار الكلمة و اسم بارز في الفن و الشعر العربي الملتزم بقضايا الشعب و الجماهير الكادحة ضد الطبقات الحاكمة الفاسدة ، وبسب ذلك سجن ثمانية عشر عاما . يترافق اسمه مع ملحن و مغن هو الشيخ إمام ، حيث تتلازم أشعاره مع غناء إمام لتعبر عن روح الاحتجاج الجماهيري الذي بدأ بعد نكسة حزيران 1967 .
قال عنه الشاعر الفرنسي لويس أراجون : إن فيه قوة تسقط الأسوار ، و أسماه الدكتور علي الراعي "الشاعر البندقية" في حين يسميه : أحد الحكام العرب و هو أنور السادات : "الشاعر البذيء" .
من اشعاره
نويت أصلي
نويت أصلي … نويت أصلي …
نويت أصلي صرصور دخل لي
هرش لي مخي قعدت أفلي
خربوش خرابش … صرصور مهابش
وفضلت أهابش ما حد دلي
حليت رباطي من تحت باطي
لا قدرت أطاطي ولا طلت أعلي
حيران يا حالي سهران ليالي
وسنين بقالي مربوط في ضلي
وسألت قال لي شيخنا المصلي
اركع تاراته اسجد تراللي
يارب ياللي … يارب ياللي
زرعت عودي سارح تملي
وعدلت ضهري فوق سرج مهري
وطبعت زهري على خد خلي
وحياة معيشتي متعب ومشقي
مهمن جري لي مهمن حصل لي
لاوهب حياتي واوصل صلاتي
والآتي آتي في يوم تجلي
قال عنه الشاعر الفرنسي لويس أراجون : إن فيه قوة تسقط الأسوار ، و أسماه الدكتور علي الراعي "الشاعر البندقية" في حين يسميه : أحد الحكام العرب و هو أنور السادات : "الشاعر البذيء" .
من اشعاره
نويت أصلي
نويت أصلي … نويت أصلي …
نويت أصلي صرصور دخل لي
هرش لي مخي قعدت أفلي
خربوش خرابش … صرصور مهابش
وفضلت أهابش ما حد دلي
حليت رباطي من تحت باطي
لا قدرت أطاطي ولا طلت أعلي
حيران يا حالي سهران ليالي
وسنين بقالي مربوط في ضلي
وسألت قال لي شيخنا المصلي
اركع تاراته اسجد تراللي
يارب ياللي … يارب ياللي
زرعت عودي سارح تملي
وعدلت ضهري فوق سرج مهري
وطبعت زهري على خد خلي
وحياة معيشتي متعب ومشقي
مهمن جري لي مهمن حصل لي
لاوهب حياتي واوصل صلاتي
والآتي آتي في يوم تجلي
فمن هو؟
5 comments:
أعتقد كده والله أعلم
إنه أبو النجوم
أحمد فؤاد نجم
صح ولا .....؟
هاي مني
فعلا هو عمنا ابو النجوم.....برافو عليكي......اشكرك علي الزياره والمشاركه
برافو إيه ؟؟؟؟؟
فين الجايزة ؟؟؟؟؟
والله يا مني للاسف انا بطمع فيها دائما.....والجائزه دائما بتبقي اني احس ان في اصدقاء كويسين بيحبوني وبيفضلو حواليا زي حضرتك ......مش الناس اللي خانوني وباعوني وشهرو بسمعتي علشان اغراضهم الشخصيه....وحتي لما قدرتهم وعملت حاجه علشانهم استخدموها ضدي.....اشكرك يا مني وهيكون ليكي جائزه بجد قريب
أستاذي أحمد
عفى الله عما سلف
ولا إيه ؟؟
معلش....سحابة صيف وحشة
زمانها ماشية قريب والله
بكرة تقول منى قالت
معلش
إن شاء الله ربنا يهدي النفوس
و ترجع كل حاجة زي ما كانت و أحسن
أما الجايزة يا عم
فإحنا صعايدة
ما ينضحكش عليناااا
لأااااا
أحلى جايزة هي زيارتك الدائمة لمدونتي البسيطة
و تشجيعك المستمر ليا
أشكرك
منى
Post a Comment