أوعاد

ألفصل الاول - طين

 

القاهره – يناير 1993

كانت المره الاولي منذ عقود ان تنهمر الامطار بهذه الغزاره ... امتلئت الشوارع ببرك المياه المتكونه بين تلال الوحل ولكنها خلت من الماره ... من المجنون الذي يغادر منزله وسط هذا الطقس السيء صاح الاستاذ سيد وهو ينفث دخان سيجارته بينما كان يراقب حبات المطر وهي تنساب علي زجاج نافذة غرفة الكانتين .... فقد تجمع مع من حضر من المدرسين لتناول وجبة الافطار وكوبا من الشاي الدافيء لمعادلة الم البرد والجوع .... اجاب الاستاذ قنديل وهو يرتعش "يا سيد بك المضطر يركب الصعب واحنا مش حمل خصومات ... يا دوب المرتب بيمشينا بالعافيه"  ثم اردف… عباس اتاخر قوي هو بيجيب الفول من المريخ .... قاطعهم صوت اجش قادم من ركن الغرفه "هو الطلبه الموجودين قد ايه النهارده" ... كان المتحدث هو استاذ عجمي مدرس الدراسات الاجتماعيه (مادتي التاريخ والجغرافيا) ... اعتدل استاذ سيد وقال "الصبح لاقيت شوية عيال من ثالثه روحتهم ... قولت اكسب فيهم ثواب يروحو يذاكرو شويه وكده كده دول ما عندهومش تيرم .... وجمعت بتوع اولي في فصل اولي رابع علشان يبقو جنب اوضة المدير وهروح ليهم بعد الفطار اراجع معاهم نحو.

ايه هي ثانيه مجاش منها حد؟!! .... تسائل استاذ قنديل متعجبا... ضحك الاستاذ سيد بينما تابع ... كل سنه تانيه مجاش منها غير 6 عيال وفصل تانيه ثالث عشر غاب منه اتنين ... ولاد الكلاب دول مقاطيع ومحادش بيسال عنهم ... الفصل كله موجود ماعدا اثنين ؟ رددها الاستاذ عجمي والتمعت عيناه وهو يهم بالوقوف ... حتي اعترضه استاذ سيد بسرعه وقال ... استاذ عجمي انت تعرف طبيعة الموقف والقرار كان واضح انت ممنوع من دخول الفصل ده بالذات ... احمد ربنا ان اهل الواد اتنازلو عن القضيه والاداره حولته لمدرسه تانيه وانت فضلت  .... في هذه اللحظه حضر عم عباس الفراش وهو يحمل لفائف الفول والطعميه ... لامؤاخذه يا بهوات ابو عطيه كان قافل فروحت لغاية سمير اللي عند محطة المترو

جلس الجميع يلتهمون سندويتشات الفول والطعميه وينتظرون الشاي حين تسلل اليهم صوت استاذ عفيفي وكيل المدرسه القادم من الفناء ..... كان يصيح في لهجة تعنيف "يا ابله انتي شغاله في مدرسه اعدادي بنين ... ولا انتي مش واخده بالك؟؟ ... طب حتي عمل حساب الجو الزفت ده" ... القي استاذ سيد الساندويتش وهرول مسرعا الي الخارج وهو يغمغم استر يا رب وعدي يوم الاشراف ده علي خير... يعني حظي ابقي مشرف في اليوم المطين ده .... كان المشهد يدعو للضحك ... فالاستاذ عفيفي بكرشه المدور يقف في منتصف الفناء مرتديا بدله صيفي و يصيح بصوت عالي علي الاستاذه اوعاد .... هذا هو اسمها اوعاد ... او كما يفضل الطلبه اضافة نقطه ويتهامسون فيما بينهم "ابله اوغاد" ... مدرسة تربيه رياضيه في منتصف العقد الثالث ولا تزال انسه ... عاشت طفولتها حتي التعليم الثانوي مع اسرتها في دولة الكويت حيث والدها معار للتدريس هناك ... لايوجد سبب مقنع لوجود ابله اوعاد في مدرسه حكوميه بنين للمرحله الاعداديه ... فهي دائما ترتدي ملابس قصيره تكشف بها عن سيقان استثنائيه .. بالرغم من كونها متوسطة الجمال الا ان جمال سيقانها كان يطغي علي المشهد ككل.